எழுத்ததிகாரன்

மேஷம்

பொது: உங்கள் காரியங்கள் அனைத்தும் நல்லபடியாக முடியும். மனதில் புது தெம்பு பிறக்கும். எதிலும் நிதானமாக இருப்பது நல்லது. உடன் பிறப்புகளுடன் வீண் வாக்குவாதங்களில் ஈடுபட வேண்டாம்.

பெண்களுக்கு: குடும்பத்தார் ஒற்றுமையாக இருப்பார்கள். கணவர் பாசமாக இருப்பார். குழந்தைகள் அதிக மதிப்பெண்கள் வாங்குவது மனதிற்கு மகிழ்ச்சி அளிக்கும். ஆன்மீகத்தில் நாட்டம் அதிகரிக்கும்.

வேலை பார்ப்போருக்கு: அலுவலகப் பிரச்சனைகள் தீரும். உயர் அதிகாரிகள் உங்கள் நலனில் அக்கறை காட்டுவார்கள். பொறுப்புகள் அதிகரிக்கும். வியாபாரிகளுக்கு வருமானம் அதிகரிக்கும்.

ரிஷபம்

பொது: நீண்ட காலம் சந்திக்காத நண்பரை சந்தித்து மகிழ்வீர்கள். உங்களின் எண்ணங்கள் செயல் வடிவம் பெறும். பண வரவு தாமதமாகலாம். தீய பழக்ககங்களில் இருந்து விடுபடக்கூடும்.

பெண்களுக்கு: சேமிப்பில் கவனம் செல்லும். குடும்பத்தில் நிம்மதி இருக்கும். குழந்தைகளால் பெருமை அடையக்கூடும். யாருக்கும் வாக்கு கொடுக்க வேண்டாம்.

வேலை பார்ப்போருக்கு: சிலருக்கு ஊதிய உயர்வுடன் கூடிய பதவி உயர்வு கிடைக்கும். சிறப்பாக பணியாற்றி உயர் அதிகாரிகளிடம் பாராட்டு பெறுவீர்கள். வேலை பளு அதிகரிக்கும். வியாபாரிகளுக்கு வியாபாரம் பிரச்சனை இன்றி நடக்கும்.

மிதுனம்

பொது: வருமானம் அதிகரிக்கும். எடுக்கும் காரியங்கள் கடும் முயற்சிக்கு பிறகே வெற்றி பெறும். உறவினர்கள் பாசமாக இருப்பார்கள். பூர்வீக சொத்து விஷயத்தில் எச்சரிக்கையாக இருக்கவும்.

பெண்களுக்கு: குழந்தைகளின் உடல் நலனில் கவனம் செலுத்தவும். கணவரிடம் ஏட்டிக்குப் போட்டியாக பேச வேண்டாம். விலை உயர்ந்த பொருட்களை பத்திரமாக வைத்துக் கொள்ளவும். உணவு விஷயத்தில் கவனமாக இருக்கவும்.

வேலை பார்ப்போருக்கு: நீங்கள் உண்டு உங்கள் வேலை உண்டு என்று இருப்பது நல்லது. சக ஊழியர்கள் பாராமுகமாக இருப்பார்கள். உங்களின் ரகசியத்தை யாரிடமும் கூற வேண்டாம். வியாபாரிகள் லாபத்தை அள்ளுவார்கள்.

கடகம்

பொது: உற்சாகமாக காணப்படுவீர்கள். யாருக்கும் உங்கள் பெயரில் கடன் வாங்கிக் கொடுக்க வேண்டாம். உடன் பிறப்புகளுடன் பிரச்சனை ஏற்படலாம். ஆன்மீக பலம் அதிகரிக்கும்.

பெண்களுக்கு: வேலைக்கு செல்லும் பெண்கள் உரிய நேரத்தில் அலுவலகத்திற்கு செல்லவும். உறவினர்களுடன் இருந்து வந்த மனக்கசப்பு மாறும். கடன் தொல்லை இருக்காது. பெரியவர்களின் உடல் நலனில் கவனம் செலுத்தவும்.

வேலை பார்ப்போருக்கு: சக ஊழியர்கள் பற்றி யாரிடமும் விமர்சிக்க வேண்டாம். நீண்டநாள் பிரச்சனை ஒன்று தீரும். பதவி உயர்வு கிடைக்க வாய்ப்பு இல்லை. வியாபாரிகள் அவசரப்பட்டு புதிய முதலீடுகள் செய்ய வேண்டாம்.

சிம்மம்

பொது: சமுதாயத்தில் மதிப்பும், மரியாதையும் அதிகரிக்கும். எதிரிகளின் பலம் குறையும். கோபத்தை குறைத்துக் கொள்ளவும். வழக்குகளில் சாதகமான தீர்ப்பு கிடைக்கும்.

பெண்களுக்கு: உறவினர்களிடம் மனம் திறந்து பேச வேண்டாம். கணவரிடம் விட்டுக்கொடுத்து நடந்து கொள்ளவும். வீண் செலவுகளை தவிர்ப்பது நல்லது. நண்பர் வீட்டு சுப நிகழ்ச்சியில் கலந்து கொண்டு மகிழ்ச்சி அடைவீர்கள்.

வேலை பார்ப்போருக்கு: உயர் அதிகாரிகளின் கெடுபிடி அதிகரிக்கும். அதனால் பொறுமையாக இருப்பது நல்லது. அலுவலகத்தில் குடும்ப விஷயங்கள் பற்றி பேச வேண்டாம். வியாபாரிகளுக்கு புதிய வாடிக்கையாளர்கள் கிடைப்பார்கள்.

கன்னி

பொது: எந்த காரியத்தையும் துணிச்சலுடன் செய்வீர்கள். பண வரவுக்கு குறைவிருக்காது. வாகனத்தில் செல்லும் போது கவனமாக இருக்கவும். உறவினர்கள் தானாக வந்து உதவி செய்வார்கள்.

பெண்களுக்கு: குடும்பத்தில் ஏற்படும் பிரச்சனைகளை நீங்களே சாமர்த்தியமாக சமாளித்துவிடுவீர்கள். கணவர் அன்பாக இருப்பார். உடல் நலனில் கவனம் செலுத்தவும். பெரியோரின் ஆசி கிடைக்கும்.

வேலை பார்ப்போருக்கு: உயர் அதிகாரிகளுடன் இருந்து வந்த பிரச்சனைகள் தீரும். அலுவலக சூழல் மாறும். சக ஊழியர்கள் ஆதரவாக இருப்பார்கள். வியாபாரிகள் போட்டிகளை சமாளிக்க வேண்டி இருக்கும்.

துலாம்

பொது: பிறருக்கு உங்களால் முடிந்த உதவிகளை செய்து மகிழ்வீர்கள். பணம் கொடுக்கல் வாங்கலில் கவனமாக இருக்கவும். வீண் அலைச்சல் ஏற்படலாம். தேவையில்லாத பயணங்களை தவிர்ப்பது நல்லது.

பெண்களுக்கு: கணவன் மனைவி இடையேயான ஒற்றுமை சுமாராகத் தான் இருக்கும். உறவினர்களுடன் வாக்குவாதத்தில் ஈடுபட வேண்டாம். குழந்தைகளால் மகிழ்ச்சி அடைவீர்கள். குல தெய்வ வழிபாடு செய்ய திட்டமிடக்கூடும்.

வேலை பார்ப்போருக்கு: சக ஊழியர்கள் மெச்சும்படி நடந்து கொள்வீர்கள். சிலருக்கு பதவி உயர்வு கிடைக்கலாம். அடுத்தவர்களின் குடும்ப விஷயத்தில் தலையிட வேண்டாம். வியாபாரிகள் புதிய முதலீடுகள் செய்யக்கூடும்.

விருச்சிகம்

பொது: எடுக்கும் காரியங்களை எப்பாடுபட்டாவது வெற்றிகரமாக செய்து முடிப்பீர்கள். நண்பர்கள் பக்கபலமாக இருப்பார்கள். பயணங்களால் நன்மை உண்டு. எதிர்பார்த்த நல்ல செய்தி வீடு தேடி வந்து மகிழ்விக்கும்.

பெண்களுக்கு: பணப் புழக்கம் நன்றாக இருக்கும். உறவினர்களை அனுசரித்துச் செல்லவும். குழந்தைகளை ஆன்மீகத்தில் ஈடுபடுத்தவும். வாக்கு கொடுத்துவிட்டு அல்லாட வேண்டாம்.

வேலை பார்ப்போருக்கு: உயர் அதிகாரிகளும், சக ஊழியர்களும் நட்புடன் பழகுவார்கள். உழைப்புக்கேற்ற ஊதியம் உண்டு. வேலையை புரிந்து கொண்டு நிதானமாக செய்யவும். வியாபாரிகள் எதிலும் எச்சரிக்கையாக இருக்கவும்.

தனுசு

பொது: எந்த ஒரு காரியத்தையும் உற்சாகமாக செய்து முடிப்பீர்கள். உறவினர்களை பகைத்துக்கொள்ள வேண்டாம். பண வரவு அதிகரிக்கும். உடன் பிறப்புகளுடன் மனக்கசப்பு ஏற்படலாம்.

பெண்களுக்கு: யாருடனும் வீண் வாக்குவாதத்தில் ஈடுபட வேண்டாம். கணவரின் உடல் நலனில் கவனம் செலுத்தவும். குடும்ப ஒற்றுமையை காக்க பாடுபடுவீர்கள். இல்லத்தில் சுப நிகழ்ச்சிகள் நடத்த முயற்சி செய்வீர்கள்.

வேலை பார்ப்போருக்கு: வேலையில் இருந்த சிரமங்கள் தீரும். சக ஊழியர்களின் சொந்த விஷயத்தில் தலையிட வேண்டாம். வேலை பளு அதிகரிக்கும். வியாபாரிகள் எதிரிகளை சமாளிக்க வேண்டி இருக்கும்.

மகரம்

பொது: கடன் தொல்லைகள் இருக்காது. தன்னம்பிக்கை அதிகரிக்கும். உங்கள் காரியங்களில் சிலவற்றில் தான் வெற்றி கிடைக்கும். எதிர்பார்த்த தகவல் கிடைத்து மகிழக்கூடும்.

பெண்களுக்கு: வீட்டுக்குத் தேவையான அதிநவீன பொருட்களை வாங்கி மகிழ்வீர்கள். கணவன் மனைவி இடையே அன்பும், பாசமும் அதிகரிக்கும். மகன் அல்லது மகளுக்கு திருமணம் செய்து வைக்க நினைப்பீர்கள். உறவினர்கள் ஆதரவாக இருப்பது ஆறுதலாக இருக்கும்.

வேலை பார்ப்போருக்கு: சிலருக்கு விரும்பிய இடத்திற்கு மாற்றம் கிடைக்கும். கொடுக்கும் வேலைகளை உடனுக்குடன் செய்து முடிக்கவும். யாரைப் பற்றியும் குறைகூற வேண்டாம். வியாபாரிகளுக்கு லாபம் அதிகரிக்கும்.

கும்பம்

பொது: சிலர் வீடு, மனை வாங்கி மகிழக்கூடும். சமுதாயத்தில் உங்களின் செல்வாக்கு அதிகரிக்கும். உடல் நலம் மேம்படும். பண வரவு சிறப்பாக இருக்கும்.

பெண்களுக்கு: குடும்பத்தில் சுப நிகழ்ச்சிகள் நடக்கும். பெற்றோரின் உடல் நலனில் கவனம் செலுத்தவும். குழந்தைகள் கேட்கும் பொருட்களை வாங்கிக் கொடுப்பீர்கள். ஆடம்பர செலவுகளை தவிர்க்கவும்.

வேலை பார்ப்போருக்கு: எந்த வேலையையும் பிறகு செய்யலாம் என்று இருக்க வேண்டாம். சக ஊழியர்களை நம்ப வேண்டாம். வருமானத்திற்கு குறைவிருக்காது. வியாபாரிகள் கூட்டாளிகளின் கருத்துக்கும் மதிப்பு கொடுத்தல் நல்லது.

மீனம்

பொது: தேவையில்லாத பயணங்களை தவிர்ப்பது நல்லது. யாருக்கும் வாக்கு கொடுக்கவோ ஜாமீன் கையெழுத்திடவோ வேண்டாம். உறவினர்கள் பாசமாக இருப்பார்கள். உடன் பிறப்புகள் உதவிகரமாக இருப்பார்கள்.

பெண்களுக்கு: கணவன் மனைவி இடையேயான ஒற்றுமை சுமாராகத் தான் இருக்கும். குழந்தைகளால் மகிழ்ச்சி அடைவீர்கள். விருந்தினர் வருகையால் மகிழ்ச்சி அடைந்தாலும் செலவுகள் அதிகரிக்கும்.

வேலை பார்ப்போருக்கு: வருமானம் திருப்திகரமாக இருக்கும். வேலை பளு அதிகரிக்கும். இருப்பினும் வேலைகளை உற்சாகமாக செய்து முடிப்பீர்கள். வியாபாரிகளுக்கு பணம் கொடுக்கல் வாங்கலில் சிக்கல் இருக்காது.